Þjónusta
Mynstra heldur fyrirlestra, námskeið og vinnustofur um notkun gervigreindar í starfi. Hjörtur Sigurðsson hefur haldið yfir hundrað fyrirlestra og vinnustofur frá stofnun Mynstru.
Efnið er sniðið að hverjum hópi, með dæmum sem tengjast störfum þátttakenda, og markmiðið er að fræða án þess að vera leiðinlegur. Fjallað er meira um hvað er gert og hvernig en um einstök forrit.
Vinnustaði sem vilja að starfsfólk nýti gervigreind betur. Námskeiðin eru sniðin að getu hópsins, hvort sem fólk er að stíga fyrstu skrefin eða er lengra komið, og henta jafnt sérfræðingum sem öðru starfsfólki.
Fyrirlestrar og námskeið hafa verið haldin fyrir verkfræðistofur, verktaka og verkkaupa, sveitarfélög og opinberar stofnanir, lífeyrissjóði, fjölmiðla, orkufyrirtæki, fasteignasala, mannauðsfólk og hagsmunasamtök og aðildarfélög þeirra.
40 til 60 mínútur, á staðnum eða á Teams, og enginn hámarksfjöldi. Farið er yfir hvað gervigreindin getur gert núna, hvar takmörkin liggja, trúnað og góð vinnubrögð, með dæmum sem fólk getur prófað sjálft. Fyrirlesturinn á að vekja áhuga og hvetja fólk til að prófa sig áfram.
Tvær til þrjár klukkustundir, oft hálfur dagur. Fræðsla og sýnikennsla og svo verklegar æfingar. Farið er yfir hvernig samhengi er gefið, markmið sett skýrt fram og unnið áfram með niðurstöðurnar. Þátttakendur prófa verkefni úr eigin vinnu og koma með tölvu og aðgang að einu tólanna.
Tvær til þrjár klukkustundir með minni hópi sem vinnur svipuð verk. Byrjað er á spurningunni: Hvað væruð þið til í að geta gert með gervigreind? Síðan eru valin afmörkuð verkefni og sett upp vinnubrögð sem nýtast aftur, til dæmis skills sem kenna gervigreindinni að vinna endurtekin verk eins í hvert sinn, verk sem keyra sjálf á ákveðnum tímum og agentar sem vinna í umhverfi vinnustaðarins.
Sama grunnefni fyrir nokkra hópa eða deildir, aðlagað hverjum hópi. Stórum hópum er skipt eftir getu, til dæmis í þá sem eru að byrja og þá sem eru lengra komnir.
Námskeið sem fólk frá ólíkum vinnustöðum getur skráð sig á, til dæmis hjá Iðunni fræðslusetri.
Stofugangur, þar sem farið er á milli skrifborða og fólk fær aðstoð við eigin verkefni, framhaldsvinnustofa nokkrum vikum síðar og handleiðsla fyrir teymi eftir þörfum.
Vinnustofur þar sem leitað er kerfisbundið að verkefnum fyrir gervigreind og sjálfvirkni eru á síðunni Stefnumótun og handleiðsla.
Mest ChatGPT og Claude, sem eru sambærileg tól. Microsoft Copilot og Gemini koma líka við sögu og flest sömu ráðin gilda um þau öll. Tólin eru valin í samráði við vinnustaðinn.
Já, en Copilot ræður ekki við allt sem sýnt er, til dæmis sumt sem snýr að agentum og tengingum. Farið er yfir það með ykkur fyrir námskeiðið.
Nei. Námskeið geta byrjað alveg frá grunni og efnið er lagað að tölvufærni hópsins. Með hópum sem eru komnir af stað er byrjað þar sem þeir eru.
Í verklegum námskeiðum og vinnustofum þarf hver þátttakandi aðgang að einu tólanna. Ókeypis aðgangur dugar oft. Við aðstoðum við að finna hvað hentar.
Já. Fyrirlestrar og námskeið eru haldin á staðnum, á Teams eða hvort tveggja, og hægt er að taka fyrirlestra upp.
Á námskeiðunum er farið yfir hvaða gögn má nota og hvaða stillingar skipta máli. Lögfræðilega ráðgjöf um persónuvernd veita sérfræðingar á því sviði.
Agentinn getur tekið saman fyrirspurn með þér, eða þú sendir okkur póst á mynstra@mynstra.is.